Description

تفاصيل عن الكتاب :

كتاب اردوينولوجي هو كتاب بيتكلم عن الاردوينو في سبع فصول بأسلوب بسيط و سهل مع لم مواضيع كثيرة

الفصل الاول: بيتكلم عن الأساسيات الي هتحتاجها علشان تعرف تتعامل مع الاردوينو بأسلوب سليم و يبقي معاك اساسيات

الفصل الثاني: بيتكلم عن كل حاجة ليها علاقة بالاردوينو مثل انواع الاردوينو، يعني ايه متحكم دقيق، بعض المصطلحات زي مثل الاشارات الرقمية و التماثلية و يعني ايه مداخل و مخارج. ازاي تدخل كهرباء الاردوينو و المنافذ المميزه الاردوينو. الجزء الثاني بيتكلم عن تجهيزات البرنامج و تعريف لوحة الاردوينو علي الجهاز

الفصل الثالث بيتكلم عن البرمجة و شامل مواضيع كثير عن برمجة الاردوينو و امثله كتير جدا علشان تقدر تفهم و تستوعب

الفصل الرابع بيتكلم عن اكتر ١٠ حساسات موجودين في المشاريع و السوق. ازاي بيشتغل من جوه، ازاي اكتب كود علشان اخد منه إشارات، ايه استخدامه و بيعمل ايه.

الفصل الخامس بيتكلم عن ثلاث مواتير أساسية في عمل اي روبت أو جهاز (دي سي، سيرفو، ستيبر) و انواع الاستيبر و الdrivers بتعهم (l298d, l293, A4988) ده غير طبعا اهم حاجة و هي الريلي مديول

الفصل السادس بيتكلم عن التحكم و الشاشات: التحكم زي ال joystick و ال keypad. المقصود من الشاشات هو أن كل حاجة تقدر من خلالها تتطلع إشارة زي RGB, LCD, 7 segment, buzzer

و اخر و اهم حاجة في الفصل ده shift register (من اكتر الحاجات الي هتخليك توفر O/I من الاردوينو)

الفصل السابع: هو اللي فعلا اكتر فصل متميز علشان فيه شرح و امثله علي الثلاث بروتوكولات وهم (UART, I2C, SPI) فيه بعض المعلومات الي ليها علاقة بالبروتوكولات الثلاثه و حطيط امثلة زي RFID و تاني حاجة هي الاشارات اللاسلكية ( في طرق و انواع كتير لكن اخترت اكتر طرق شائعة او الناس بتستخدمها كثير) اخر حاجة في الفصل هي mlx90614 thermometer ال sensor ده في الفترة الاخيرة كان بيتطلب كتير علشان المشاريع الخاصة بكورونا.

محتوي الكتاب: